Visitade galicias.com.
Aquí atoparedes fotos de moitos lugares de Galicia, proverbios, frases
bonitas e pensamentos positivos, cousas dun grupo de camiñantes chamados
rillamillas, ... etc.
Esta web chámase
galicias.com ¿Por qué Galicias en plural?.
Porque Galicia é unha
e son moitas ó mesmo tempo: a da costa, a do interior, a das praias,
a dos montes, a urbana, a rural, a tecnolóxica, a tradicional, a de aquí,
a espallada polo mundo enteiro,... E cada galego leva no seu corazón
a súa propia Galicia; é o minifundio. En Galicia cada recanto
é único, sorprendente, e irrepetible. Galicia é un mundo
e mil mundos, unha historia e mil historias. Galicia é ..... Galicia,
"e como ela non hai outra". Galicias en plural para que esta sexa
unha casa para todos, na que todos teñan sitio, sin discriminación
ningunha por razón de edade, relixión ou ideoloxía.
Fachada do Obradoiro da Catedral de Santiago.
Nesta páxina hai seis grandes temas:
FOTOS
DE GALICIA: fotos de lugares de Galicia, ordenadas por Provincias, Concellos,
parroquias, ... Aquí irei poñendo datos e cousas de concellos
galegos e das súas parroquias e lugares. Esta sección está
pensada para que escribindo directamente na barra do navegador galicias.com/ares
saian cousas do concello de Ares, galicias.com/carballino
saían cousas do concello de Carballiño, e así sucesivamente
cós demáis concellos dos que vaia habendo datos. Tamén
hai fondos de escritorio.
FRASES
BONITAS: frases fermosas de diversos autores, proverbios, pensamentos
positivos, ideas para sorrir, levantar o ánimo, e sentirse ben. Aquí
hai tamén: pensamentos de peregrinos que fixeron o Camiño de
Santiago; unha utopía; e dez camiños para acercarse á
felicidade. Esta sección está en castelán, porque recibe
moitas visitas de países hispanoamericanos. Polo de agora é
a parte da web que máis visitas recibe. Todas as frases e ideas responden
a unha mesma filosofía: crear no lector sentementos positivos que o
axuden a ser un pouco máis bo, máis solidario, e máis
feliz.
CAMIÑO
DE SANTIAGO: Co gallo do Ano Santo Xacobeo 2004 quero poñer en
marcha unha páxina con cousas dos Camiños de Santiago. Un pouco
de historia, fotos, pensamentos de peregrinos, vivencias, .... Ser peregrino
a Compostela implica empezar a ver o mundo e a vida dun xeito novo e diferente.
Espero poder transmitir aquí algo de eso que os peregrinos levamos
dentro e que nunca sabemos ben cómo expresalo con palabras. De momento
esta páxina está empezando a camiñar ... e supoño
que estará "permanentemente en construcción", porque
na peregrinación sempre aparecen cousas novas, e cada día e
cada momento que nace é novo, único e diferente, e trae fresca
ledicia de soños de cores, versos, melodías, estrelas, ... fontes,
paxaros, camiños, ... sorrisos, miradas, ... árbores, patios,
albergues, ... sendeiros de vida e de luz.....
RILLAMILLAS:
fotos das rutas que estamos percorrendo un grupo de camiñantes do Carballiño,
integrados nunha asociación que leva o nome de "rillamillas".
CAMBA:
fotos, contos, versos, correndorios, ...cousas dun pobo chamado Camba e dos
fillos e amigos de Camba. Un pobo pequeno e fermoso da Galicia descoñecida,
deitado a máis de mil metros de altura, perto de Cabeza de Manzaneda
e dos montes do Invernadeiro, no concello de Laza (Ourense).
ALVARO
DAS CASAS: Cousas da Asociación Alvaro das Casas, nacida en Esposende,
no ano 2003, para recuperar a figura de Don Alvaro de las Casas Blanco, e
para afondar nos temas que a él lle preocuparon: o galeguismo, a mocidade,
as artes escénicas, o medio ambiente (a ecoloxía), ...
Pode ser que nesta páxina
teñades a sensación de perdervos, de non saber por onde andades;
parece que nunca acaba de ver todo o que hai nela .... ¿Eso é
por un fallo no diseño?. Pode. Pero máis ben está feito
adrede, para que esto se parezca á vida mesma, na que sempre nos agardan
sorpresas, na que sempre nos quedan recantos por coñecer, na que moitas
veces andamos un pouco perdidos. .... Esta web quere ser un pouco complexa,
heteroxénea e anárquica, ... para parecerse á vida mesma,
.... e para que aqueles ós ques lles guste sempre teñan algo
novo que ver, .... Eu mesmo, que a fixen ... pérdome nela. E ás
veces atopo cousas que me sorprenden e das que xa nin me lembraba. ¿Esto
é bo? ¿Esto é malo?. Eu coido que é bo. A vida
é así: complexa, rica, e sorprendente.
O 12-10-2004 galicias.com chegou ás
400.000 visitas.
. 
. 
